يا قاطع الشجرة - منتدى يوسفية الهوى 🍎
منتدى يوسفية الهوى 🍎  

العودة   منتدى يوسفية الهوى 🍎 > ::: ليالي الّعمر الّعَامْة ::: > •~ التربية والتعليم واللغات~•

الملاحظات

•~ التربية والتعليم واللغات~•
قسم يختص للتعليم واللغات

إضافة رد
 
أدوات الموضوع انواع عرض الموضوع
#1  
قديم 02-15-2022, 11:47 AM
ابن الحته غير متواجد حالياً
لوني المفضل #0B0B3B
 رقم العضوية : 2519
 تاريخ التسجيل : Dec 2021
 فترة الأقامة : 840 يوم
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم : 8577
 معدل التقييم : ابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond reputeابن الحته has a reputation beyond repute
بيانات اضافيه [ + ]
افتراضي يا قاطع الشجرة



بمناسبة حوار بطاقة التموين
نصدعكم بشوية رغى صغنين كدا
..
نبدأ
..
once upon a time
ف المخروبة اللى إحنا فيها
كان فيه سلطان مملوكى .. علمونا ف كتب التاريخ
قد إيه هوه كان حاكم عزييييم ورااااجل كيويس
ومن البنائين العظام وكل الكلام الحلو دا ..



قاطع الشجرة


عن الأشرف قايتباى أتحدث



قاطع الشجرة


وابن اياس اللى عاصر فترة حكم قايتباى ومن بعده
ومن بعده ومن بعده ومن بعده ومن بعدهم
لحد اخر سلطان مملوكى وهوه طومان باى
وشهد فترة الغزو العثمانى لمصر ثم حكم خاير بك
يعنى شاف الأيام الزرقا
والكحلى
والنيلة
والسودة
والسواد الحالك ... وبيحكيلنا بقى





قايتباى كان من السلاطين التقال
كان قوى ومفترى وشوكته جامدة لدرجة انه قعد حسب
ما ذُكر باليوم 29 سنة و4 شهور و21 يوم
من اول لحظة تسلطنه وحتى لحظة وفاته
ودى كانت مدة طويلة ف فترة المماليك الجراكسة
اللى كانوا بيقلبوا بعض قوام قوام ع السخان كدا





ومدة الحكم دى مقارنة بالظروف والملابسات
تفهمك ازاى هوه كان راجل مش سهل
"زى الحية مالوش مسكة"
على رأى المثل الشعبى القارح






وابن اياس شهروزة تسميه "بسكويتة التأريخ" من كتر
ما هوه راجل طيب وكُبرة ومهاود
ومش سهل أبدا يعيب ف حد
لكنه للامانة كان بيذكر المحاسن والعيوب لكل واحد
وهوه ذكر محاسن كتير لقايتباى ..





الموضوع الأصلي: يا قاطع الشجرة // الكاتب: ابن الحته // المصدر: منتدى يوسفية الهوى

كلمات البحث

موقع ثقافي , أدبي , ابداعات مصممين , شعراء, رسامين , أدباء





dh rh'u hga[vm




 توقيع : ابن الحته





رد مع اقتباس
قديم 02-15-2022, 11:48 AM   #2


الصورة الرمزية imported_عواد الهران
imported_عواد الهران غير متواجد حالياً

بيانات اضافيه [ + ]
 رقم العضوية : 2266
 تاريخ التسجيل :  May 2021
 أخر زيارة : 02-25-2022 (09:48 AM)
 المشاركات : 296,748 [ + ]
 التقييم :  42187
لوني المفضل : #0B0B3B
افتراضي رد: يا قاطع الشجرة



بارك الله فيك

جزاك الله خير الجزاء,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.


 
 توقيع : imported_عواد الهران






رد مع اقتباس
قديم 02-15-2022, 11:49 AM   #3


الصورة الرمزية ابن الحته
ابن الحته غير متواجد حالياً

بيانات اضافيه [ + ]
 رقم العضوية : 2519
 تاريخ التسجيل :  Dec 2021
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم :  8577
لوني المفضل : #0B0B3B
افتراضي رد: يا قاطع الشجرة



لكن عيبه
"لكنه كان محببا لحمع الأموال ناظرا لما فى أيدى الناس"
وبعدين بيقول انه كان معذور
ليه يا سى أيوسة ؟
قالك عشان المخاطر الخارجية التى حاقت بالدولة وكدا
من .. شاه سوار .. وحسن الطويل .. وابن عثمان ..
وغيرهم وعشان كدا جهز بتاع 16 تجريدة
وكل تجريدة اتكلفت الشىء الفلانى
قول كام كدا ؟
ابن اياس بيقول
سبعة مليون وخمسماية وستين ألف دينار
شاكب راكب بالصلاتوعالنبى
والرقم دا يعتبر حاجة خرافية ف التوقيت دا ... !





طبعا الرقم دا + الفلوس اللى كان بيصرفها
على مماليكه
.. وعلى عمايره ... الخ
شوف انتا خيالك يروح لحد فين !



ومنين آشهروا جاب الملايين دى ؟!!
عيب دحنا بعنا دهبنا واديناله حلقنا وفداديننا
وكان فاضل يقلعنا ملط عشان ندفع
اومال هناكل مصر يعنى !





ف حتة كدا ابن اياس بيحكى بسلامة نية
عما حدث ف مرة من المرات لما كان قايتباى
عاوز يجهز تجريدة تخرج لملاقاة ابن عثمان على
"حدود البلاد الحلبية"
كما سماها وبيقول ازاى انه عمر قعر مجلس
ولم القضاة الأربعة وكبار موظفين الدولة
عشان يشوف هيلموا نفقة الليلة دى منين ...
وبدأ قايتباى الجلسة بالآتى
"ابن عثمان ليس براجع عن محاربة عسكر مصر،
وأن أحوال البلاد الحلبية قد فسدت وآلت إلى الخراب،
وأن التجار منعوا مما كان يجلب إلى مصر من الأصناف"
فيه مخاطر كتير واللى حصل ف 2011 أضعف الدولة والأشرارعاوزين يركعوا ماسر




"وأن المماليك الجلبان يرومون مني نفقة، وإن لم أنفق
عليهم شيئا فينهبون مصر والقاهرة ويحرقون البيوت
ومتى رجع عسكر ابن عثمان إلى البلاد الحلبية
فما يخرج العسكر من مصر حتى أنفق عليهم"
الجيش عامود الخيمة ولازم يبقى قوى عشان ننكذ البلد






" ثم شرع يقسم بالله تعالى أن ليس بقي في الخزائن
من المال لا كثيرا ولا قليلا "
أجيب منين ؟!!
والله .. والله لو ينفع اتباع كنت بعت نفسى
عشان خاطر ماسر تعييييش






 
 توقيع : ابن الحته






رد مع اقتباس
قديم 02-15-2022, 11:50 AM   #4


الصورة الرمزية ابن الحته
ابن الحته غير متواجد حالياً

بيانات اضافيه [ + ]
 رقم العضوية : 2519
 تاريخ التسجيل :  Dec 2021
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم :  8577
لوني المفضل : #0B0B3B
افتراضي رد: يا قاطع الشجرة



ثم كل ما فات كان توطئة لما ناوى يهببه
"وأن القصد بأن أفرض على الأوقاف والأملاك التي
بمصر والقاهرة، من أماكن وغيطان وحمّامات
وطواحين ومراكب وغير ذلك أجرة سنة كاملة
أنعان بها على خروج التجريدة"


طبعا الناس سكتت شوية كدا من هول الصدمة !
سنة ايه يا مدهول اللى عاوز تاخدها مقدم م الناس !






فين وفيييين لما قاضى الشافعية نطق
"فسكت المجلس ساعة، ثم قال القاضي الشافعي:
لعل الله تعالى يكفيكم مؤنة ذلك"
الكلام معجبش المخفى طبعا !







ونطق قاضى المالكية كفرا
بالاقتراح التالى
"وقال القاضي المالكي: إن أجرة سنة كاملة يثقل
على الناس ولا يطيقون ذلك؛ وإن كان ولا بدّ من ذلك
فليفرض عليهم أجرة خمسة أشهر، وقبل ذلك أفرض عليهم
أجرة شهرين، فهذه سبعة أشهر، وما يطيق الحال
أكثر من ذلك"
لأ والله .. لا فض فوك يا مولانا #مسم




طبعا الكلام جه على هوى السلطان وأقر ما قيل فيه
وانفض المجلس وسرت الشائعات بقى ان فيه فِردة هتتاخد
على كل راس وهل بت ما هيقلعونا الجلاليب واللبِسة ؟
لأ يا عم هيقلعونا الجلباية بس
âک؛
اللباس هيخلوه للتجريدة الجاية






"فلما بلغ الناس ما وقع اضطربت الأحوال
وكثر القيل والقال في ذلك، وأشيع بأنّ السلطان يفرض
على الجماجم من ذكر وأنثى من كبير وصغير على كل
رأس دينارين ذهب، وتكلّموا من هذا النمط بأشياء كثيرة"
وهيا أيام وكان قايتباى مقسم المناطق على موظفينه
مين يلم منين وطبعا اللى تحت ايده فورا اتحركوا
ف نهب الفلوس الهمة والنشاط فلة ما شاء الله لبلب
لكن وقت الحقوق .. كلنا عارفين .. اللى بيحصل



"ثم بعد أيام رسم السلطان لتغري بردي الأستادار
بأن يكون متكلّما على جباية الأملاك، من باب زويلة
إلى دير الطين، ورسم لعلاي الدين بن الصابوني
ناظر الخاص بأن يكون متكلما في جباية الأملاك،
من باب زويلة إلى خارج الحسينية"






 
 توقيع : ابن الحته






رد مع اقتباس
قديم 02-15-2022, 11:51 AM   #5


الصورة الرمزية ابن الحته
ابن الحته غير متواجد حالياً

بيانات اضافيه [ + ]
 رقم العضوية : 2519
 تاريخ التسجيل :  Dec 2021
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم :  8577
لوني المفضل : #0B0B3B
افتراضي رد: يا قاطع الشجرة





وابتدينا المرار
وأول ما ابن اياس يكتب بالسجع تعرف انها أيام سودة





"فعند ذلك اضطربت الأحوال، وتزايدت الأهوال،
وتوجّهوا الرسل الغلاظ الشداد، ولم يرعوا الوداد،
وطلبوا أعيان الناس، وانقطع الرجاء باليأس ...






"وصار الإنسان يخرج من داره، فيرى أربعة من الرسل
في استنظاره، فيكون نهاره أغبر، ويخرج
وهو في أذياله يتعثّر، فيقدحون فيه الزناد،
ولا يرى له من اعتماد "





أيوه .. زى ما قريتوا كدا احنا موكوسين بالأوساخ
نهارنا الأغبر
دا من زمان عرض مستمر ومبيخلصش





حد من آخر تويتر هيقولى يا شهروزة
طب دول طبقة الملاك وبتوع الاوقاف .. يعنى ناس أغنيا
وعلى رأى الجبرتى ف زمن متقدم شوية
يعتبروا من "مساتير الناس" ما يدفعوا
ويكعوا دم قلبهم عادى !
الحقيقة ان مش دول بس اللى دفعوا
أى حد يملك أى حاجة .. انشالله اوضة من غير سقف .. كع



ابن اياس بيحكى الواقعة وتلمح القهرة بين سطورها
"وقد جرى في هذه الواقعة أمور عجيبة وحكايات غريبة،
فمن ذلك ما قيل إن بعض الرسل توجّه إلى نحو الحسينة ،
فأتى إلى أمرأة ساكنة في حوش، ولم يجد عندها شيئا
من متاع الدنيا، فطالبها ذلك الرسول بأجرة الحوش
التي هي ساكنة فيه




وعليكى مبلغ كذا وقدره
" فجاء عليها من الأجرة عشرين نصفا
عن مدة خمسة أشهر"
وادفعى
والست ع الحميد المجيد
"فلم تجد شيئا تعطيه للرسول"
يسكت وينصرف عنها ؟
لأ طبعا
" فأغلظ عليها وخرج منه الحدّ"
لقت نفسها هتتبهدل
" فلما رأت منه ذلك كان عندها شجرة نبق في الحوش
فقالت له: اقطع هذه الشجرة وبعها
وخذ ثمنها في نظير ما جاء عليّ "





وبكل بلادة حس
"فأحضر بالقطاعين وقطع تلك السدرة وحملها ومضى "
اللى ف الصورة دى هيا شجرة النبق لمن لا يعرفها





وف اللغة العربية هى شجرة السدر




بس بقى
"وقد حصل للمرأة غاية الضرر لقطع شجرتها
التي كانت تستظلّ تحتها في أيام الصيف"
الهى يقطعوا عنك نور قبرك لحد يوم القيامة يا بعيد
انتا واللى شغلك واللى شغلهم





بصوا الواقعة دى متسقة جدا مع فترة قايتباى
وابن اياس على اعجابه بيه بيوصف الموضوع بتاع الضريبة
ام 5 شهور مقدم وقبلهم شهرين دى بإنها
"وكانت هذه الحادثة من أشنع الحوادث
في دولة الأشرف قايتباي "
والراجل بيبعبع بقى وبيسيّح له ويقول ..




"ويا ليته أصرف هذا المال في شيء عاد نفعه
على الناس، ولكن أصرفه في غير مستحقّه
وضاع في البطال ولم ينتفع به"
بيلقح طبعا على إن كل الهيصة والهوليلة دى
ومصر وقعت تحت سنابك خيل العثمانلية ف نهاية الامر
وما نابنا الا الفقر والبهدلة ف كل مرة !







 
 توقيع : ابن الحته






رد مع اقتباس
قديم 02-15-2022, 11:53 AM   #6


الصورة الرمزية ابن الحته
ابن الحته غير متواجد حالياً

بيانات اضافيه [ + ]
 رقم العضوية : 2519
 تاريخ التسجيل :  Dec 2021
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم :  8577
لوني المفضل : #0B0B3B
افتراضي رد: يا قاطع الشجرة



ودا ببساطة لأنه كان سلطان قوى ..
لكن القوة دى كانت كمان ف الفساد والظلم ..

الاخ ابن شاهين الظاهرى ف نيل الأمل فى ذيل الدول
بيحكى عن الواقعة دى وبيقول ان الناس يا عينى
من كتر الكرب اللى هما فيه واحد فيهم اتشجع
وطلع المقطم يقول جااااااااى
"فيه سمع صوت من جبل المقطّم المطلّ على حوش
السلطان بحيث يسمع السلطان ذلك، وفيه الحط عليه
وتخويفه وتحذيره وبال ظلمه
وعاقبة ذلك أن يقطع عما هو فيه"




"وكان قد اشتدّ الطلب على الناس بسبب جباية ما فرضه
من الخمس شهور، حتى أزعج هذا الصوت السلطان
وبعث من يترصّد ذلك، فلم يوجد ..."
والناس اتندرت بالواقعة دى
ان ست قالت اتجاه الصوت بكرة يجيبوك من قفاك
فرد عليها
«إن كانوا هم شطّار فليحصّلوني»





بس والقصة خلصت
...
لكننننن
عاوزة أقول ان قايتباى ف كتب التاريخ
تذكر عنه حكايات ..
عن حنكته وحسن ادارته للبلاد
ف اوقات خطر ..
وتلعيبه للمماليك كما القرود ومسايستهم
..
لكن .. عن حوار الفلوس
الفلوس دايما شاحة وأجيب منين ؟
لكن وقت بنا المنشئات زى مساجده ووكالته وسبيله الخ
انوجدت بمنتهى البساطة وسبحان الله !



ابن اياس كاتب صفحة بحالها عن العماير
والحاجات اللى بناها وصرف عليها ف مصر والشام
حاجة كدا ... أموال طائلة دا غير التجريدات ام ملايين دى
غير شرائه للمماليك والصرف عليهم لشراء ولائهم ..


وبلاوى كتير طول منتا ماشى تقرا ف سيرته
اللى أمتدت كسلطان قرب التلاتين سنة
بيمص دمنا وبينهش ف لحمنا


وخلى الشعب ف اوقات يشتهى الموت عشان الكرب
اللى شافه عشان البايا يتمم مشاريعه وانجازاته
وبرضو ف النهاية كله منفعش ببصلة
ليه يا شهرو ؟


الراجل دا مات سنة 16 م حكم بعده ابنه ابو السعادات
وحكم بعد كدا 4 من مماليكه ف فترة قليلة
أخرهم كان قنصوه الغورى
ثم جاء طومان باى ابن اخو الغورى
كل الهيصة دى بقى حصلت وخلصت سنة 1517م
بسقوط مصر ف براثن سليم الاول
يعنى بعد حوالى 20 سنة وشوية فكة .. البلد انهارت !
والانهيار حصل رغم انه كان سلطان قوى ..
لكن القوة دى كانت كمان ف الفساد والظلم ..



العسكر المرتزقة المماليك المتنافسين على العرش
ومشغولين بقتل بعض الطمع والشهوة للسلطة
وتستيف المال والجوارى والعيشة المرتاحة


وعشان بناء الحجر اللى أهم عند الحاكم من البشر
الانسان اللى كان لازم يتحافظ عليه
عشان لما تيجى ايام سودة عليه يفضل فيه نفس يقاوم !!

لكن هنروح ونقول لمين ... ؟!
المذهل بقى ..
ان قايتباى كانوا بيحكوا عن انتمائه الصوفى ويفيضوا بقى
مثلا لما عرف ان احد مماليكه كان واقف بمكان عالى
ووقع لإنه كان سكران فرفض يصلى عليه
بينما صلى على ست غريبة
شاف جنازتها صدفة ف الطريق ومحدش ماشى فيها






ومش مهم كل النهب والفساد والظلم والدم
المهم نروح نجيب الكرسى للبنت تقعد عليه
فالناس تنبسط وتقول الله



 
 توقيع : ابن الحته






رد مع اقتباس
قديم 02-15-2022, 11:54 AM   #7


الصورة الرمزية ابن الحته
ابن الحته غير متواجد حالياً

بيانات اضافيه [ + ]
 رقم العضوية : 2519
 تاريخ التسجيل :  Dec 2021
 أخر زيارة : 02-25-2022 (12:31 PM)
 المشاركات : 8,891 [ + ]
 التقييم :  8577
لوني المفضل : #0B0B3B
افتراضي رد: يا قاطع الشجرة



وبينما لا يتورع نفس الحاكم الحنوووون
عن انه يعرى الناس من أى حاجة يملكوها ف سبيل تحقيق
احلامه ولأ انا مبغلطش وانتوا اللى مبتشتغلوش الخ
والمواطن بالنسباله عبارة عن سيالة فلوس
لازم تنفتح كل شوية وادفعوا
وجو استقطاع كدا وعلى رأى سلطان السكرى
"ما تدفع .. منتا كانز"





واخيراااا
بمناسبة قطع الشجر
اللى - وان اختلفت الأسباب- يبدو انه تراث قديم عريق
فاحنا عاوزين الأوستاذ على الحجار يعملنا غنوة جديدة
على نهج الغنوة القديمة الجمييييلة التراثية بتاعته ويسميها
"يا قاطع الشجرة"
قعدت عليك بقرة
وفطستك يا بعيد


 
 توقيع : ابن الحته






رد مع اقتباس
قديم 02-15-2022, 07:32 PM   #8


الصورة الرمزية الــوافــي
الــوافــي غير متواجد حالياً

بيانات اضافيه [ + ]
 رقم العضوية : 2472
 تاريخ التسجيل :  Oct 2021
 أخر زيارة : 02-25-2022 (01:31 PM)
 المشاركات : 41,534 [ + ]
 التقييم :  22800
لوني المفضل : #0B0B3B
افتراضي رد: يا قاطع الشجرة



*,

طرح يفوق الجمال
كعادتك إبداع في صفحآتك
يعطيك العافيه يارب
وبإنتظار المزيد من هذا الفيض
لقلبك السعادة والفرح
ودي لك


 
 توقيع : الــوافــي



رد مع اقتباس
قديم 02-15-2022, 08:08 PM   #9


الصورة الرمزية لِين
لِين غير متواجد حالياً

بيانات اضافيه [ + ]
 رقم العضوية : 2486
 تاريخ التسجيل :  Oct 2021
 أخر زيارة : 08-15-2022 (03:50 PM)
 المشاركات : 264,137 [ + ]
 التقييم :  203743
لوني المفضل : #0B0B3B
افتراضي رد: يا قاطع الشجرة



_


يعطيك الف عافيه على الطرح الجميل
سلمت :g-5: .


 
 توقيع : لِين






مصمم / إهدآء ذوق يسلم قلبك وروحك خيي :g-5: ~

.


رد مع اقتباس
قديم 02-16-2022, 10:21 PM   #10


الصورة الرمزية ترااانيم
ترااانيم غير متواجد حالياً

بيانات اضافيه [ + ]
 رقم العضوية : 1962
 تاريخ التسجيل :  Feb 2020
 أخر زيارة : 02-23-2022 (05:54 PM)
 المشاركات : 165,202 [ + ]
 التقييم :  38740
لوني المفضل : #0B0B3B
افتراضي رد: يا قاطع الشجرة




؛؛؛
يعطيك العافيه على موضوعك الرائع
شكري وتقديري لمجهودك المتميز
أرق التحايا وأعذبها
؛؛؛


 
 توقيع : ترااانيم





رد مع اقتباس
إضافة رد

يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صور متحركه لتسونادي سينجو من ناروتو عيسى العنزي •~ ليالي الشَخصَيات الكرتونيةَ والانمي ~•
13 01-06-2022 06:53 PM
ثقافة المرأة imported_محمد •~ ليالي الّعَامْ ~•
16 01-05-2022 06:41 AM
عتاب النبي دليل نبوته قصايد •~ نبـي الرحمه وصحابته ~•
15 11-11-2021 05:31 PM
رئيس الوزراء الأردني يتحدث عن مخزونات أرض بلاده من النفط والذهب حلا ليالي •~ أخبآر دولية وعآلمية ~•
19 10-26-2021 01:01 PM
وجع الإبهام.. ما سببه؟ وكيف تعالجه؟ قصايد •~ ليالي الطب والصحه آ~•
16 06-15-2021 09:44 AM

:: برعاية حياة هوست ::
RSS RSS 2.0 XML MAP HTML

توقيت نبضيـ 🕐 ❤️ 02:33 PM.

أقسام المنتدى

نسكُ القمر🌻 | ♠ ..| سجادة حمراء وأرائك الهطول | ♠ ..| دار النشر العربي ـ هُدهد ونبأ يقين | نون والقلم ومايسطرون🌻 | ♠ ..|رضاب الأبجدية يمنع المنقول | ♠ ..|سلاسل الشفقْ | ♠ ..| مئذنة النون يمنع المنقول | ♠ ..|تلاوة القصيد يمنع المنقول | ♠ ..| مكان قصي للمدونات | رتل مجيد و مواسم الربيع🌻 | ♠ ..| تبـر الجنة :: إسلاميات | ♠ ..| قافلة العزيز للمنقول | ديباجة لون🌻 | ♠ ..| قوس قزح للتصميم يمنع المنقول | ♠ ..| محراب ضوء 📷 يمنع المنقول | ♠ ..|خضاب استبرق لتصميم الأزياء والأسرة يمنع المنقول 🍒 | دستور وبينة نور🌻 | ♠ ..| غيابة الجب | ♠ ..| تلبيه لرغبة الغمام | ♠ ..| آذان صاغية | شُرفة التواصل( منْ أَبْوَابٍ مُتَفَرِّقَةٍ ) | ♠ ..|طاولة نقاش يمنع المنقول والردود العقيمة | ♠ ..|عرانين الزمزم (المكتبة الأدبية) | رسول الـكلم وصنوان الجمال يمنع المنقول | ♠ ..|حقيبة مصمم وأبجدية الطيف | ♠ ..| شرفة الطاقم الإداري | ♠ ..|صدح العطاء هيت لك فعاليات تسر الناظرين | ♠ ..| تصميم الإستايلات المجانية للمنتديات يمنع المنقول | ♠ ..|عروش الغيم وندف اللقاء | قسم خاص لدورات تصميم الاستايلات | ♠ ..| مرفأ تنسيق المواضيع | لحفظ دروس تصاميم الاستايلات | ♠ ..| عناقيد التوت (المرسم والخط اليدوي) يمنع المنقول | ♠ ..| يوسفية الهوى ديزاين :: طلب ستايل منتدى مدفوع | مجلة اليوسفية وعرسُ سمّاوي نزف به أقاحي الجمال | ♠ ..| سنديانة الذائقة للمنقول | دورة فنون الكتابة للتصميم مع الحنان 🍎 | ♠ ..| يوسفيات للمونتاج وتصميم اليوتيوب يمنع المنقول | ♠ ..| في لوحِ محفوظْ 🔏📚 | صرحُ ممرد من عُسجد (الردود المميزة) | ♠ ..|مشكاة النور والأدب الساخر يمنع المنقول | ♠ ..| في ضيافة الأدب العربي الحديث والمعاصر | ♠ ..| استايلات يوسفية الهوى يمنع المنقول | ::: ليالي الّعمر الّإسْلاَميِة ::: | •~ نبضآت إسلآمِيـہ ~• | •~ نبـي الرحمه وصحابته ~•
| ::: ليالي الّعمر الّعَامْة ::: | •~ ليالي النقاش والحوارات الجادة ~•
| •~ ليالي الّعَامْ ~•
| •~ أخبآر دولية وعآلمية ~•
| ::: ليالي العمر اَلتصْميم والجِرافيك ::: | ::: ليالي الّعمر الأَسرَة والّمُجتَمَعْ ::: | •~ ليالي عالم آدم ~•
| •~ ليالي أناقة حَوّاء ~• | •~ ليالي انامل طاهية ~• | •~ ليالي الحياة الزوجية ~•
| •~ ليالي عالم االحمل والأمومه .. وبرائه الطفولة~•
| •~ ليالي الديكور والاثاث ~•
| •~ ليالي ادوات الفوتوشوب وملحقات التصميم ~•
| •~ لنتعلمَ / سويآ~•
| •~ ليالي اهداءات التصاميم ~•
| ::: ليالي الّعمر الإدارية ::: | •~ ه مكتب الاداره~• | •~ ليالي طآقم الآشراف والرقآبة~•
| •~ ليالي الشكاوي والاقتراحات ~•
| •~ ليالي المواضيع المكرره ~•
| •~ ليالي الشخصيات التاريخية ~• | •~ ليالي صدى الملآعب ~•
| •~ ليالي عالم السيارات والدرآجآت النارية ~•
| •~ صوتيات وخطب ومرئيات إسلامية ~•
| ::: ليالي الّعمر التقني ::: | •~ ليالي Computer الكمبيوتر وشبكات الانتريت ~•
| •~ تسليطَ الضوُءَ على خَصائصَ المُنتدًى ~•
| •~ ليالي ملحقات الجوال والبلاك بيرى والأيفون ~• | •~ ليالي طلبات التبادل الاعلاني ~•
| •~ ورشة عمل لتنسيق الموضوع قبل طرحه ~•
| ::: ليالي العمر التوآصل مع الأعضآء ::: | •~ حللتًم آهلاً ~•
| •~ ليالي التهانى والاهداءات والمناسبات ~• | •~ ليالي المسابقات والفعاليآت ~•
| ::: ليالي الّعمر الترفيهي ::: | •~ ليالي الّعمر للالعاب والمرح والتسلية ~• | •~ ليالي الشَخصَيات الكرتونيةَ والانمي ~•
| •~ ليالي لضحك و الفرفشة ~•
| •~ ليالي YouTube اليوتيوب~•
| ::: ليالي الّعمر الأدَبيةَ::: | •~ حروف القصيد ~•
| •~ ليالي القصص ~•
| •~ مقآلآت أدبية سبق نشرها ومنقوله ~•
| •~ ليالي همزة وصل و مستجدآت إدارية ~•
| •~ ليالي دروس الفوتوشوب و سويتش مآكس ~•
| •~ ليالي لقاء وَ فنجان قهوة ~•
| •~ ليالي عدسة الأعضآء وأبدآعآت سنآبية حصرية ~• | ::: ليالي الّعمر آلمنوعة ::: | •~ ليالي السياحة و السفر والرحلات ~•
| •~ الحيوآنات والطيور والنباتات ~•
| •~ ليالي الصور المنوعة ,غرائب وعجائب الصور~•
| •~ الشيلات والقصائد الصوتيه ~• | •~ليالي آخبار الفن والفنانين ~•
| •~ليالي حكآية مثل ~•
| •~ ركـن تَصَمِيمْ تَرانِيمْ عِشْق~•
| •~ ليالي آنٌسًسًـكآبّـ حً ـرفُ ~• | •~ ليالي للتصاميم الاعضاء الحصريه ~•
| •~ ليالي لـ الردود آلمميزة ~•
| •~ ليالي مرافي ساكنة وعالم خاص ~•
| •~ الخيمة الرمضانية ~•
| •~ القرآن الكريم وعلومه وأحكامه~•
| •~ ليالي التعآزي والمواسآة ~• | •~ ليالي {حصريات اقلام الاعضاء}~•
| •~ ليالي لـ نصوص الأعضاء سبق نشرها~•
| •~ ليالي للمقالات المنوعه ~• | •~ ليالي للمهآرآت والأشغآل اليدوية ~•
| •~ ليالي الصَيد والمقنآص ~•
| •~ ليالي الطب والصحه آ~•
| •~ ليالي تطوير الذات ~•
| •~ ليالي لذوي الحتياجات الخاصه ~•
| ::: ليالي العمر الطب والحياة ::: | ::: ليالي العمر الرياضية والاخباريه ::: | •~ التربية والتعليم واللغات~•
| •~ ليالي للكتب الإلكترونية~•
| •~ ليالي لفواصل واكسسوارات لتزيين المواضيع ~•
| •~ طلبات التصميم ~•
| •~ خاصــ،~•
| •~ قناة ليالي العمر الحصرية ont>
| •~ مجلة ليالي العمر ~•
| •~ليالي العمر لعدسه آلأعضآء الحصريةوابداعاتهم ~• | ۩۞۩{ مطبخ ليالي وفن الوصفات , للحصري فقط }۩۞۩ | أرشيف قسم ليالي المسابقات والفعاليات | ::: ليالي للفن والمشاهير ::: | •~ ليالي للفن التشكيلي ~•
| •~ ليالي للافلام والمسلسلات العربيه والاجنبيه~•
| •~كرسي اعتراف ليالي العمر~•
| •~ ليالي لـمدونات الأعضاء الخاصة~• | •~ الحج والعمرة ~•
| قـسّمٌ الـمـئَـوِيـآتٌ | •~ ركن اناقه جنوبيه ~•
| •~فعاليات اليوم الوطني السعودي ~•
| •~ ركن جوريه ~•
|



Powered by vBulletin® Version 3.8.12 by vBS
Copyright ©2000 - 2024, vBulletin Solutions, Inc. Trans by
HêĽм √ 3.2 OPS BY: ! ωαнαм ! © 2010
new notificatio by 9adq_ala7sas
This Forum used Arshfny Mod by islam servant
vEhdaa 1.1 by NLP ©2009